ناس الهدرا

من طرف derouiche901@live.fr 2010-04-29, 18:25

لبسم الله نبدا كل حكايا... و الصلاة عل النبي نختم كل دعايا
يالله انت العالم بدايا ... و انت القادر القدير على شفايا
ندعيك بجميع مادعاك الانس و الملايكا.. تشفي قلبي و ترحم ضعف الحالا

لسانك سلطانك
اذا صنت صانك
و اذا خنت خانك
سبحان ربي اللي خلقك و صانك...سبحانو حفضك و رفع شانك
لحمة بين الفكين فيه كالك سكانك ...بيه تتكلم و بيه كل كلامك
يا سعد من حسن قوالو ...و يا ويح من خانو لسانو

يا سلطان الكلام
بيك قريت و بيك كتبت كتابي نوصيك بلاك لاتبوح بسراري
لا تفضحني بين اهلي و ناسي مانرجع نادم على كلامي

يا سلطان الكلام
بيك كتبت فراحي و بيك كتبت كل جراحي بين لوراق دفنت كل حزاني
يا مهبلني هويت من لا يهواني بعد صموت لساني واش من حبيب يبقالي

وعلاش يالقلام جفيتني هاذا شحال
بغير سبا و بغير سباب... هجرتني ليال طوال
بيك كتبت كل خفايا ...و بيك نكتب كل مقال
وين ما مشيت نديك معايا.... مهما كان الحال
و وين ما نكون تكون بحذايا... سهرنين حتى الصباح
انا و انت حكايا..... و حكايات ملاح
وعلاش اليوم جفيتني بلا سباب

اكتب و زيد اكتب دايا ....يا لمليح في الملاح
بلاك تبوح بسرايا......و نرجع في لقراح